- 098 -
1504 (7. czerwca) Buda, w piątek po Bożym Ciele etc.
Król Władysław JagiellończykWładysław II. Jagiellończyk (cz.: Vladislav II. Jagellonský, węg.: II. Ulászló), król czeski od r. 1471, węgierski i chorwacki od 1490, syn Kazimierza IV. Jagiellończyka. zezwolił książętom – braciom KarolowiKarol I. Podiebradowicz, w l. 1498-1536 książę ziębicki, w l. 1498-1501 hrabia kłodzki (tytularnie do śmierci), w l. 1495-1536 książę oleśnicki. Starosta generalny Dolnego Śląska od r. 1517 oraz Górnego Śląska od r. 1528. i AlbrechtowiAlbrecht Podiebradowicz (czes.: Albrecht z Minstrberka lub Albrecht z Poděbrad, niem.: Albrecht I. von Münsterberg lub Albrecht von Podiebrad) – hrabia kłodzki w l. 1498-1501, książę ziębicki i oleśnicki od r. 1498. na bicie grosza i półgrosza z wrocławskiego surowca.
— Wir Wladislaw von den gnaden gottes zu Hungern Behem Dalmacien Croacin etc. konig margrave zu Merhern hertzog zu Lucemburgk und yn Slesien margrave zu Lausicz etc., bekhennen und thun kundt allermannigklich, das uns auf heute die hochgeboren unser oheim fursten und lieben getreuen Albrecht und Karoll hertzogen zu MonsterbergkZiębice yn Slesien zur ElsenOleśnica graven zu GlotzKłodzko etc. diemutigis vleis ersuecht und hochlich gepeten, yhen so genedig czu erscheyen auch vorstatten vorgonnen und czu geben geruchten, vorthyn yn yren furstentumen yn der Slesie von unsern, unsern nachkomen wegen konigen zu Hungern und Behem gancze und halbe groschen der masze yn der Slesie czu tzwelff und sechs hallern, wie die iedzundt ganghafftigk seyn oder komfftigk ganghafftigk mochten werden, vor unsern, unsern nochkhomen anwalden underseszen und underthanen ungehinderth frey und auch ledig zu muntzen, auff das sy als dister gerenkhlicher aus yren, yrer lande und stete beschwertherTj. bez większych trudności. groszer schulden, dorein sy sampt ynen ethwan von seynen vorvordern und anhern von alten getzeiten bis[h]er gekhomen und vorerbt, on mergklich und unobirwintlich vorterb, das sich von tage zu tag obir die selbigen yre lande und leuythe sichtigklich ertzaigeth, gefreuen kunden, haben wier aus koniglicher wurde und mildikhait bemelter unser lieber oheim und fursten steten underthanigen gehorsamen, besondern getreuen und willige dienste, die sy uns yn vorgangenen iaren zu unsern eren mehermals gantz vleiszig und beraithwillig gelaist, vorthyn uns, unsern nochkhomenden konigen gelaisten sollen und mogen, aus genugklichem volverhabtem rate unser eldisten rethe des onbrengen zu gemuete getzogen, dabey bewegenBądź: bewogen lub bewegende., wie wir unsern oheim und fursten tzimlichen beistanth und genedige hilffe tethen in dieser yrer treflichen onliegenden noth, dadurich wier und unser dienste unentwereth pleiben, auff solichs den selbigen unsern oheim und fursten ongetragen diemuthigk bethe zuegesagt und ietzunder hiemit von unsern nochkhomenden konigen wegen zu Hungern und Behem genedigs willens in krafft des unsers brieffs mehergnanten unseren oheim fursten und lieben getreuen Albrechten und Karolo hertzogen zu Monsterbergk und Elsen etc. wiszentlich zusagen, das sy vorthyn yn itzukonfftigen tzetten, wenne und so offt [sie] wellen sollen und mögen, auffrichten halten und vorlegen durich sich oder durich ander eine gantze freye groschenmuntze undso vill on allem dortzu gehoreth, in allen yren aigen furstentumen landten und steten, die sy ietzundt haben oder konfftigk tzu sich brechen, vor menigklich allen und ietzlichen der unsern und unser konigreiche nochkhomenden onwalden und underthanen gantz ungeverlich und ungehinderth, dieselbigen halbe und gantze groschen in solichen wirden zu muntzen, wie ietzund oder konfftigk das khorn der groschen unser stadt BreslawWrocław yn sich heldeth oder yn seinen wirden ynnehalten wurth, also das gemelthe unser oheim und fursten tzu allen tzeithen tzu yren lebetagen dabey on yren schaden und unkosth pleiben mogen. Wier vorgonnen yne auch von unser und unser nochkhomenden konigen wegen, das sy yn allen und ietzlichen unsern konigreichen furstentumern marggravethumern gebieten und ietzlichen unsern herschofften ongetzaigte muntze vortreiben und enwerden sollen und mogen auf das allernutzlichste, wie yn zu fromen khomen mag. Des tzu warer urkundt haben wier on disen brieff unser konigklich insigell loszen hangen.
Geben zu Ofen am Freitag negst noch gotes leichnams tag nach Cristi gepurdt funftzehenhunderth und yn dem vierdten iare, unser reiche des Hungrischen ym viertzehenten und des Behemischen yn dem dreiunddreiszigisten iare.
Wladislaus rex manu propria subscripsit.